8 Sa tɛtɛ nga be yoli mɔ i ti fiɛn trannin be wun mɔ be nin min e afiɛn fɔnnin’n, ń má sálo be wun fiɛn kwlaa sɔ’n.+ Yɛ sa tɛtɛ kwlaa nga be yoli’n ɔ nin fɔnlɛ nga be fɔnnin min wun’n, ń yáci i kwlaa ń cɛ́ be weiin.+

27 Kpɛkun ɔ fali klowa kun, ɔ lali Ɲanmiɛn ase. I sin’n, ɔ fa mannin be. Kpɛkun ɔ seli be kɛ: “Amun kwlaa amun nɔn.+ 28 Nga ti min ‘mmoja+ mɔ maan Ɲanmiɛn nin sran’m be tra aenguɛ’n,’+ i nzɔliɛ. Bé gúɛ i ase naan be yaci sran kpanngban+ be sa tɛ’n cɛ be.+

10 “Zoova* waan: ‘Kɛ cɛn sɔ’m be ko sin’n, aenguɛ nga e nin Izraɛlifuɛ mun é trá’n yɛ: Ń fá min mmla mun ń wlá be akunndan’n nun, yɛ ń klɛ́ min mmla mun be awlɛn’n nun.+ Ń yó be Ɲanmiɛn, yɛ be kusu bé yó min sran.+

11 “‘Sran fi su klemɛn i wiengu like kun, yɛ sran fi su semɛn i niaan kun kɛ: “Si Zoova!”* Afin be nga be leman ɲrun-o, be nga be le ɲrun-o, be kwlaa bé sí min. 12 Kannzɛ be yoli sa tɛ’n, ń sí be aunnvɔɛ, yɛ min wla su kpɛnman be sa tɛtɛ’m be su kun.’”+

15 I sɔ’n ti yɛ ɔ ti aenguɛ uflɛ’n i nun jranfuɛ’n niɔn.+ Ɔ yoli sɔ naan be nga be flɛli be’n be kwla ɲan like kpa m’ɔ su wieman le mɔ be tali be nda kɛ bé fá mán be’n. I wie’n ti yɛ i kwlaa sɔ’n kwla yoli ye-ɔ, yɛ ɔ kpɔli be ti.+ I sɔ’n ti’n, be kwla ɲan be ti sa tɛ nga i nun mɔ be te di aenguɛ laa’n su’n be yoli’n, i sa nun.+

17 I sin’n, ɔ se kɛ: “Min wla su kpɛnman be sa tɛtɛ nin ɲin kekle nga be yoli be’n be su kun.”+