12 Azaɛli usɛli i kɛ: “?Min min, ngue ti yɛ a sun-ɔn?” Ɔ tɛli i su kɛ: “Afin n si sa yaya nga á wá fá yí i Izraɛlifuɛ’m be su’n.+ Á wá wɔ́ be klɔ nga be sili be wun’n be nun. Be sran nga be si alɛ kun kpa’n, á wá fá tokofi kún be, á wá títí be mma’m be nun, yɛ á kpáci bla nga b’a wunnzɛ’n be ku’n nun.”+

32 Blɛ sɔ’n nun’n, Zoova wa kpɛkpɛli Izraɛli mɛn’n i sin kannganngan. Azaɛli fali alɛ wlali be sin titi Izraɛli nvle wunmuan’n nun.+ 33 Ɔ fali Zurdɛn’n i wia afiliɛ lɔ lika’n, Galaadi mɛn wunmuan’n, yɛle kɛ Gadifuɛ mun, nin Ribɛninfuɛ mun, ɔ nin Manasefuɛ’m+ be mɛn’n. Asa ekun’n, ɔ fali Aroɛɛ m’ɔ o Aanɔn Kongo’n i wun lɔ’n, lele fa juli Galaadi nin Basan.+

7 Nnɛn kpanngɔ su fufuɛ ablenun (50) nin kakaklolo blu, ɔ nin sonja akpiakpi blu (10.000) mɔ be nanti be ja’n be ngunmin yɛ be kali Zoakazi i sa nun-ɔn. Afin Siri famiɛn’n nunkunnin be onga mun,+ ɔ tiatiali be su kɛ be fa tiatia ndutre su like bowlɛ nun’n sa.+