3 Kpɛkun ɔ kleli min Zozie+ m’ɔ ti Ɲanmiɛn ɲrun jranfuɛ dan’n, ɔ jin Zoova i anzi’n i ɲrun lɛ, yɛ Satan+ jin i sa fama su naan ɔ́ tɛ́nndɛn i ɲrun.

11 Fa sika nin sika ɔkwlɛ’n fa yo famiɛn kle kun,* kpɛkun fa wla Zozadaki i wa Zozie m’ɔ ti Ɲanmiɛn ɲrun jranfuɛ dan’n i ti.+ 12 Yɛ se i kɛ:

“‘Ndɛ nga Zoova m’ɔ ti sonja’m be su kpɛn’n kan’n yɛ: “Bian nga be flɛ i kɛ Aɲɛn’n+ yɛ ɔ o yɛ. Ɔ́ wá fífí i bɔbɔ i lika’n nun, yɛ ɔ́ kplán Zoova i sua’n.+ 13 I yɛ ɔ́ wá kplán Zoova i sua’n niɔn, kpɛkun i yɛ ɔ́ wá ɲán aɲrunɲan’n niɔn. Ɔ́ wá trɛ́n i famiɛn bia’n su, yɛ ɔ́ dí famiɛn. Asa ekun’n, kɛ ɔ o i famiɛn bia’n su’n ɔ́ yó Ɲanmiɛn ɲrun jranfuɛ,+ yɛ anuansɛ trán be nɲɔn’n* be afiɛn.