16 Sran blu-nin-nɲɔn (12)+ nga Zezi kpali be’n, be dunman mun yɛ: Simɔn m’ɔ tɔnnin i dunman ekun kɛ Piɛli’n,+ 17 nin Zaki ɔ nin i niaan bian Zan mɔ be ti Zebede i mma mun’n, (ɔ tɔnnin be dunman ekun kɛ Boanɛɛzɛsi, i bo’n yɛle kɛ “Angblannan’n i Mma mun”)+ 18 nin Andre, nin Filipu, nin Batelemin, nin Matie, nin Toma, nin Zaki m’ɔ ti Alfe i wa’n, nin Tade, nin Simɔn m’ɔ ti wakawakafuɛ’n,* 19 ɔ nin Zida Iskariɔti mɔ i sin’n ɔ yili i mannin’n.

I sin’n, ɔ ɔli sua kun nun.

13 Kɛ aliɛ cɛnnin’n, ɔ flɛli i sɔnnzɔnfuɛ mun, kpɛkun ɔ kpali be nun blu-nin-nɲɔn (12), ɔ flɛli be akoto.+ 14 Be dunman mun yɛ: Simɔn, m’ɔ tɔnnin i dunman ekun kɛ Piɛli’n, ɔ nin i niaan bian Andre, yɛ Zaki, nin Zan, nin Filipu,+ nin Batelemin, 15 nin Matie, nin Toma,+ nin Zaki m’ɔ ti Alfe i wa’n, ɔ nin Simɔn mɔ be flɛ i kɛ “wakawakafuɛ’n,” 16 nin Zida m’ɔ ti Zaki i wa’n, ɔ nin Zida Iskariɔti, mɔ i sin’n ɔ yili Zezi mannin’n.

13 Kɛ be juli lɔ’n, be wluli nglo sua ba nga be sikeli be nun’n, i nun lɔ. Be nga be wluli lɔ’n, be yɛ: Piɛli, Zan, Zaki, Andre, Filipu, Toma, Batelemin, Matie, Alfe i wa Zaki, Simɔn m’ɔ ti wakawakafuɛ’n, ɔ nin Zida m’ɔ ti Zaki i wa’n.+