6 “Amun nian amun wun. Sa kpakpa nga amún yó’n, nán amun yo be sran’m be ɲrun kɛ be wun amun.+ Sɛ amun yo sɔ’n, amun su ɲanman akatua fi amun Si m’ɔ o ɲanmiɛn su lɔ’n i sa nun. 2 I sɔ’n ti’n, kɛ á cɛ́ yalɛfuɛʼn i likeʼn,* nán bo i ndolo* kɛ nga dunman klofuɛ’m be fa yo’n sa. Be yo i sɔ Ɲanmiɛn sulɛ sua’m be nun, nin klɔ’n nun akpɔ’m be su naan sran’m be manman be. Nanwlɛ, ń kán klé amun kɛ mo nga be ko yo be’n i kwlaa yɛ ɔ o lɛ-ɔ.