28 Kɛ ɔ juli jenvie’n i bue kun lɔ Gadarafuɛ’m be mɛn’n lɔ’n, sran nɲɔn mɔ mmusu’m be kle be yalɛ’n be fin asieliɛ’m be su lɔ be nin i yiali.+ Be yo wlɛ kpa, ɔ maan sran fi leman awlɛn sinman lɛ akpɔ’n su.

26 I sin’n, be toli be ti Zerazafuɛ’m be mɛn’n nun lɔ.+ Mɛn sɔ’n wo Galile Jenvie’n i bue kun lɔ. 27 Kɛ Zezi fin alie’n nun jrali’n, ɔ nin klɔ’n sufuɛ kun mɔ mmusu’m be kle i yalɛ’n be yiali. Bian sɔ’n, ɔ wlaman tralɛ. Ɔ yo sɔ w’a cɛ kpa. Kpɛkun asieliɛ’m be su yɛ ɔ tran-ɔn,+ ɔ tranman sua nun.