11 Min liɛ’n, nzue yɛ n fa yo amun batɛmun-ɔn, afin amun a kaci amun akunndan’n.+ Sanngɛ sran kun o siɛn, ɔ su ba. Ɔ le kwlalɛ tra min, min nin i ngbabua’n i yilɛ fataman bɔbɔ.+ Sran sɔ’n fá Ɲanmiɛn wawɛ’n+ nin sin yɛ ɔ́ fá yó amun batɛmun-ɔn.+ 12 I peli m’ɔ fa kpaja like’n, ɔ o i sa nun. Ɔ́ wá yó i ble bowlɛ’n i weinwein kpa, kpɛkun ɔ́ ísɛ i ble’n gúa tanngannin’n nun. Sanngɛ ble’n i wla’n i liɛ’n, ɔ́ fá sin mɔ be kwlá nuɛnmɛn i’n, ɔ́ fá wɔ́ nun.”+

7 Ɔ bo jasin se kɛ: “Sran kun mɔ i kwlalɛ’n tra min liɛ’n, ɔ o siɛn ɔ su ba. Kɛ n klu naan n ɲannji i ngbabua’m be ɲanman mun bɔbɔ’n, min nin i sɔ’n fataman.+ 8 Nzue yɛ n fa yoli amun batɛmun-ɔn. Sanngɛ i liɛ’n, Ɲanmiɛn wawɛ’n yɛ ɔ́ fá yó amun batɛmun-ɔn.”+

2 Kɛ bé dí Pantekɔtu’n,+ be kwlaa be o lika kunngba’n nun.

4 Kpɛkun Ɲanmiɛn wawɛ’n wluli be nun,+ yɛ be kannin aniɛn wafawafa. Aniɛn nga Ɲanmiɛn wawɛ’n fa wla be nuan’n, yɛ be kan-ɔn.+