3 Kɛ ɔ yoli sɔ’n, ɔ kannin ndɛ kpanngban ɲanndra nun kleli be.+ Ɔ seli be kɛ: “Amun nian! Fie difuɛ kun ɔli kɛ ɔ́ kó lúa like.+ 4 Kɛ ɔ́ lúa like’n kɔ́’n, wie’m be tɔli akpɔ’n i nuan, kpɛkun anunman’m be bali be wa dili.+ 5 Wie’m be kusu be tɔli kpangba su, lika mɔ asiɛ nunman lɛ kpa’n su, kpɛkun be fifili ndɛndɛ afin asiɛ nunman lɛ kpa.+ 6 Sanngɛ kɛ wia’n boli’n be yrali, kpɛkun be wuli kee. Afin be leman olui. 7 Wie’m be liɛ’n, be tɔli owieowie’m be nun. Owieowie’m be fuli, kpɛkun be katali be su.+ 8 Wie’m be liɛ kusu’n, be tɔli asiɛ kpa su, kpɛkun be suli: Kun i mma ng’ɔ suli’n, ɔ tra nga be luali’n kpɛ ya (100), kun kusu i liɛ’n trɛ i kpɛ ablesiɛn (60), kun ekun i liɛ’n trɛ i kpɛ ablasan (30).+ 9 Sran ng’ɔ si fa sie’n, maan ɔ fa sie.”*+

3 “Amun sie amun su be tie. Fie difuɛ kun ɔli kɛ ɔ́ kó lúa like.+ 4 Kɛ ɔ́ lúa like sɔ’n kɔ́’n, wie’m be tɔli akpɔ’n i nuan, kpɛkun anunman’m be bali be wa dili. 5 Wie’m be kusu be tɔli kpangba su, lika mɔ asiɛ nunman lɛ kpa’n nun, kpɛkun be fifili ndɛndɛ afin asiɛ nunman lɛ kpa.+ 6 Sanngɛ kɛ wia’n boli’n be yrali, kpɛkun be wuli kee. Afin be leman olui. 7 Wie’m be liɛ’n, be tɔli owieowie’m be nun. Owieowie’m be fuli, kpɛkun be katali be su. Ɔ maan, b’a suman mma.+ 8 Sanngɛ wie’m be tɔli asiɛ kpa su. Be fifili, be ɲinnin, kpɛkun be suli. Wie’m be mma nga be suli’n ɔ tra nga be luali’n kpɛ ablasan (30), wie kusu i liɛ’n trɛ i kpɛ ablesiɛn (60), yɛ wie ekun i liɛ’n trɛ i kpɛ ya (100).”+ 9 Kpɛkun ɔ kan guali su kɛ: “Sran ng’ɔ si fa sie’n, maan ɔ fa sie.”+

12 Nga be tɔli akpɔ nuan’n, yɛle sran nga kɛ be ti Ɲanmiɛn i ndɛ’n, Suɛn Tɔnfuɛ’n ba, kpɛkun ɔ yi Ɲanmiɛn i ndɛ’n be awlɛn’n nun’n. Ɔ maan be kwlá faman su naan Ɲanmiɛn w’a de be.+