14 Blɛ sɔ’n nun’n, Erɔdu* m’ɔ ti Galile asa’n i siefuɛ’n,* ɔ tili Zezi i wun ndɛ nga be kan’n,+ 2 yɛ ɔ seli i sufuɛ’m be kɛ: “Zan Batɛmun Yofuɛ’n niɔn. W’a cɛn, i ti yɛ ɔ kwla yo abonuan sa mun-ɔn.”+

14 Famiɛn Erɔdu tili sa sɔ’n. Afin sran’m be kan Zezi i ndɛ lika kwlaa. Be se kɛ: “Zan Batɛmun Yofuɛ’n m’ɔ wuli’n w’a cɛn. I ti yɛ ɔ kwla yo abonuan sa mun-ɔn.”+ 15 Sanngɛ sran wie’m be se kɛ: “Eli-ɔ.” Wie mun ekun be waan: “Ɔ ti Ɲanmiɛn nuan ijɔfuɛ kɛ laa Ɲanmiɛn nuan ijɔfuɛ mun sa.”+ 16 Sanngɛ Erɔdu liɛ’n, kɛ ndɛ’n tɔli i su nun’n, ɔ seli kɛ: “Zan mɔ n kpɛli i ti’n yɛ w’a cɛn nguan-ɔn.”