7 Sanngɛ Zoova seli Samiɛli kɛ: “Nán fa ɔ ɲin sie i i sran waka’n annzɛ i tɛnndɛn m’ɔ ti’n su.+ Nɛ́n i yɛ n fɛli i-ɔ. Afin wafa nga klɔ sran wun ninnge mun’n, ɔ nin Ɲanmiɛn liɛ’n timan kun. Afin klɔ sran liɛ’n, like nga i ɲinma tɛ i’n yɛ ɔ nian-ɔn. Sanngɛ Zoova liɛ’n, ɔ nian sran’n i awlɛn’n nun.”+

9 “Min wa Salomɔn, kplin ɔ ɲin naan si ɔ si i Ɲanmiɛn’n kpa. Fa ɔ awlɛn’n kwlaa su i,+ yɛ maan i sulɛ’n yo ɔ fɛ. Afin Zoova niannian sran’m be kwlaa be awlɛn’n nun.+ Ɔ wun akunndan kwlaa nga be bu’n i wlɛ.+ Sɛ a kunndɛ i’n, ɔ́ yó maan á wún i.+ Sanngɛ sɛ a kpɔci i’n, ɔ́ yí ɔ blo mlɔnmlɔnmlɔn.+

30 wɔ mɔ a o ɔ tranwlɛ’n nun ɲanmiɛn su lɔ’n,+ sie ɔ su tie naan yaci be sa tɛ mun cɛ be.+ Yɛ nian sa kwlaa nga sran kun yo’n su fɛ i nuan like mɛn i. Afin a si i awlɛn’n nun lɔ (ɔ kunngba cɛ yɛ a si klɔ sran’n i awlɛn’n nun lɔ sakpasakpa-ɔ).+