69 Kɛ ɔ́ yó sɔ’n, nn Piɛli ti awlo’n i klun lɛ. Yɛ junman difuɛ talua kun bɛli i wun lɛ naan w’a se kɛ: “Wɔ, a suli Zezi m’ɔ ti Galilefuɛ’n i su wie!”+ 70 Sanngɛ sran’m be kwlaa be ɲrun lɛ’n, ɔ buali ato kɛ ɔ simɛn i. Ɔ seli kɛ: “Ndɛ nga á kɛ́n i lɛ’n, n wunmɛn i wlɛ.”

66 Kɛ Piɛli o ngua lɔ awlo’n i klun lɛ’n, talua nga be di junman Ɲanmiɛn ɲrun jranfuɛ dan’n i sa nun’n, be nun kun bali.+ 67 Kɛ ɔ wunnin Piɛli m’ɔ su tɔn sin’n, ɔ niɛnnin i siin, kpɛkun ɔ seli i kɛ: “Wɔ, a suli Nazarɛtifuɛ’n i su wie, a suli Zezi sɔ’n i su wie.” 68 Sanngɛ ɔ buali ato seli kɛ: “N simɛn i, yɛ ndɛ nga á kɛ́n i lɛ’n, n wunmɛn i wlɛ.” Yɛ ɔ ɔli anuan’n i wun lɔ-ɔ.

55 Sran’m be trɔli sin awlo’n i klun lɛ, yɛ be titi i wun lɛ. Piɛli ti be wun lɛ wie.+ 56 Sanngɛ junman difuɛ talua kun wunnin kɛ Piɛli ti sin’n i wun lɛ wie. Ɔ maan ɔ niɛnnin i siin, kpɛkun ɔ seli kɛ: “Bian nga nin i be o nun wie.” 57 Sanngɛ ɔ buali ato seli kɛ: “Mmo, n simɛn i.”

25 Kɛ ɔ́ yó sɔ’n, nn Piɛli jin lɛ, ɔ su tɔn sin. Yɛ be seli i kɛ: “?A nunman bian sɔ’n i sɔnnzɔnfuɛ’m be nun wie yɛ ɔ o lɛ-ɔ?” Ɔ sɛli i nuan. Ɔ seli kɛ: “N nunman be nun wie.”+