9 Sanngɛ Sɔlu te fɛ i ɲin te ci e Min’n i sɔnnzɔnfuɛ mun, yɛ ɔ wla be srɛ kɛ ɔ́ kún be.+ Ɔ maan ɔ ko toli Ɲanmiɛn ɲrun jranfuɛ dan’n. 2 Kpɛkun ɔ seli i kɛ ɔ mɛn i fluwa naan ɔ́ kɔ́ Zifu’m be Ɲanmiɛn sulɛ sua nga be o Damasi lɔ’n be nun. I liɛ’n, be ng’ɔ to be mɔ be fa Atin’n su’n,+ i yasua-o, i bla-o, ɔ́ cí be kwlaa naan ɔ́ fá be bá Zerizalɛmun.

4 N kleli be nga be fa Atin sɔ’n su’n be yalɛ lele be nun wie’m be wuli. I yasua-o, i bla-o, n cili be, kpɛkun n wlali be bisua.+

10 Like nga n yoli i Zerizalɛmun lɔ’n, yɛ ɔ o lɛ-ɔ. Asa ekun’n, n wlali Ɲanmiɛn i sran’m be bisua,+ afin Ɲanmiɛn ɲrun jranfuɛ’m be su kpɛn’m be mannin min i sɔ yolɛ’n i wun atin.+ Yɛ sɛ ɔ fata kɛ be kun be’n, min klun jɔ su.

13 Amun tili i kɛ i nun nga n te fa like nga Zifu’m be kle’n su’n,+ m’an yaciman Ɲanmiɛn i asɔnun’n i ɲrɛnnɛn klelɛ. N kunndɛli kɛ ń sáci i.+

5 Afin kɛ be wuli min’n, i cɛn ba mɔcuɛ su’n be wlali min klɛn,+ Izraɛlifuɛ yɛle min, yɛ n ti Bɛnzamɛn akpasua’n i nunfuɛ. Asa ekun’n, min si nin min nin be ti Ebre. Ɔ maan Ebre ba yɛle min.+ Yɛ mmla’n i su falɛ nun’n, n ti Farizifuɛ.+ 6 Sɛ ɔ ti be klun mɔ be tu be yo like’n, n tuli min klun n kleli asɔnun’n i nunfuɛ’m be yalɛ.+ Like nga mmla’n kle kɛ ɔ ti kpa’n i yolɛ nun’n, be kwlá saciman min wun kaan sa.