11 Min liɛ’n, nzue yɛ n fa yo amun batɛmun-ɔn, afin amun a kaci amun akunndan’n.+ Sanngɛ sran kun o siɛn, ɔ su ba. Ɔ le kwlalɛ tra min, min nin i ngbabua’n i yilɛ fataman bɔbɔ.+ Sran sɔ’n fá Ɲanmiɛn wawɛ’n+ nin sin yɛ ɔ́ fá yó amun batɛmun-ɔn.+

4 Kɛ nga be fa klɛli’n sa’n, Zan Batɛmun Yofuɛ’n wo aawlɛ flɛnnɛn’n nun lɔ. Ɔ se sran mun kɛ be yo be batɛmun be fa kle kɛ be kacili be akunndan’n, naan Ɲanmiɛn yaci be sa tɛ mun cɛ be.+