15 Kɛ be wieli like di’n, Zezi usali Simɔn Piɛli kɛ: “?Zan wa Simɔn, a klo min tra nga mun?” Ɔ tɛli i su kɛ: “Ɛɛn-ɛn, min Min, a si kɛ n klo wɔ.” Ɔ seli i kɛ: “Man min bua ba’m be aliɛ.”+

11 Ɔ sieli sran wie mun akoto,+ ɔ sieli wie mun Ɲanmiɛn nuan ijɔfuɛ,+ ɔ sieli wie mun jasin fɛ bofuɛ,+ ɔ sieli wie mun kɛ be nian asɔnun’n i nunfuɛ mɔ be ti kɛ bua sa’n be lika, yɛ ɔ sieli wie mun kɛ be kle like.+

2 An nian Ɲanmiɛn i bua fa+ m’ɔ fa wlali amun sa nun’n i lika. An nian su kpa. Nán maan ɔ yo kɛ be su mian amun sa, sanngɛ maan amun yo i sɔ amun klun klo su, Ɲanmiɛn ɲrun.+ Nán maan ɔ yo kɛ amun kunndɛ kɛ amún ɲán nun like,+ sanngɛ amun tu amun klun be yo. 3 Asa ekun’n, nán an tin Ɲanmiɛn i sran m’ɔ fa be wlali amun sa nun’n be su,+ sanngɛ an yo sa ng’ɔ ti kpa’n naan be nian su.+ 4 I liɛ’n, kɛ bé wá yí bua tafuɛ’m be su kpɛn’n+ i nglo’n, bé fá famiɛn kle m’ɔ bo mianmianmian’n, m’ɔ saciman’n, bé mán amun.+