35 Like kwlaa nun’n, n kleli amun kɛ amun di junman kekle sɔ,+ naan amun uka be nga be leman wunmiɛn’n. Kpɛkun nán amun wla fi e Min Zezi i ndɛ’n su. I bɔbɔ seli kɛ: ‘Sɛ a cɛ sran like’n,+ ɔ klun jɔ kpa tra kɛ be cɛ wɔ like’n.’”

11 Kɛ nga e kan kleli amun sa’n, an mian amun ɲin yo wɛtɛɛfuɛ,+ nán amun fa amun nuan wla sran ndɛ nun,+ yɛ amun di junman kekle.+ 12 Sɛ amun yo sɔ’n, be nga be o gua su lɔ’n, bé wún kɛ amun nzuɛn’n ti kpa,+ yɛ kusu amun sa su mianman like fi wun.