9 Anzi uflɛ kun ekun suli be su. Ɔ ti be nsan su’n. Ɔ kpannin kekle kpa seli kɛ: “Sran kwlaa ng’ɔ su nnɛn’n+ nin i wunsu’n, naan be fa nzɔliɛ be tɛ i ngban’n su’n annzɛ i sa’n su’n,+ 10 ɔ́ nɔ́n Ɲanmiɛn i nzan mɔ b’a faman like b’a sannganman nun mɔ be fa guali i ya klowa nun’n wie.+ Ɲanmiɛn i nzan sɔ’n yɛle i ya m’ɔ fa’n. Asa ekun’n, bé fá sin nin sufru+ bé klé i yalɛ Ɲanmiɛn i anzi mun nin Bua Ba’n be ɲrun.

2 Be nun klikli’n ko utuli like ng’ɔ o i kpongbo ba’n nun’n asiɛ’n su.+ Kpɛkun kannin tɛ kun m’ɔ trɛ ndɛndɛ’n,+ ɔ fiteli be nga nnɛn wlɛfuɛ’n i nzɔliɛ o be wun+ mɔ be su i wunsu nga be yoli’n,+ be wunnɛn’n su.

20 Be trali nnɛn’n nin sran ng’ɔ tɔn i wun suɛn kɛ ɔ ti Ɲanmiɛn nuan ijɔfuɛ’n,+ m’ɔ yo abonuan sa mun nnɛn wlɛfuɛ’n i ɲrun lɛ’n. Ɔ yoli abonuan sa sɔ mun fa lakali be nga nnɛn wlɛfuɛ’n i nzɔliɛ o be wun’n,+ ɔ nin be nga be su i wunsu nga be yoli’n.+ Be toli be nɲɔn’n be yili i sin dan m’ɔ jue kpa mɔ sufru o nun’n i nun,+ kɛ ɔ́ yó sɔ’n nn be ɲin te o su.