ƐNTƐNƐTI SU FLUWA SIEWLƐ Watchtower

Ezai 13:6

Ɲanmiɛn Ndɛ’n—Mɛn Uflɛ Biblu’n
- 6 An kpan kekle kpa, afin Zoova i cɛn’n w’a mantan koko!
  Ɔ́ fín Sran m’ɔ Kwla Like Kwlaa Yo’n, yɛ ɔ́ sáci like.+

Zeremin 25:33

Ɲanmiɛn Ndɛ’n—Mɛn Uflɛ Biblu’n
- 33 “‘Cɛn sɔ’n nun’n, be nga Zoova kún be’n, bé fɛ́ i asiɛ’n i bue kun su lele fá jú i bue uflɛ su. Be su sunman be, be su isaman be saka’n naan se kɛ bé síe be. Bé káci kɛ angrɛ sa asiɛ’n su.’

Ezekiɛli 30:3

Ɲanmiɛn Ndɛ’n—Mɛn Uflɛ Biblu’n
- 3 Afin cɛn’n w’a mantan koko, nanwlɛ, Zoova i cɛn’n w’a mantan koko.+
  
  Cɛn sɔ’n ɔ́ wá yó kɛ nzue yɛ w’a mlan sa.+ Ɔ́ yó nvlenvle’m be fɔ tulɛ cɛn.+

Zoɛli 1:15

Ɲanmiɛn Ndɛ’n—Mɛn Uflɛ Biblu’n
- 15 Cɛn sɔ’n wá yó sro-o!
  
  Afin Zoova i cɛn’n w’a mantan koko.+
  Kɛ cɛn sɔ’n bá’n, ɔ nin ninnge’m be sacilɛ nga Sran m’ɔ Kwla Like Kwlaa Yo’n waan ɔ́ sáci be’n, yɛ bé bá-ɔ.

Sofonin 1:15

Ɲanmiɛn Ndɛ’n—Mɛn Uflɛ Biblu’n
- 15 Cɛn sɔ’n ti ya ble’n i nglo yilɛ cɛn,+
  cɛn sɔ’n ti awlabɔɛ nin akluntitiɛ cɛn,+
  cɛn sɔ’n ti aunmuan m’ɔ fita kekle kpa’n nin like sacilɛ cɛn,
  cɛn sɔ’n nun’n, aosin’n dé lika’n,+
  cɛn sɔ’n nun’n, ɲanmiɛn ble’n dé lika’n kpɛkun lika’n lú tritritri,+

2 Piɛli 3:11, 12

Ɲanmiɛn Ndɛ’n—Mɛn Uflɛ Biblu’n
- 11 Kɛ mɔ ninnge sɔ’m be kwlaa be su tranman lɛ kun’n ti’n, an bu sran wafa ng’ɔ fata kɛ amun yo’n i akunndan naan an yo ninnge nga Ɲanmiɛn klo be’n, yɛ an yo ninnge nga be kle kɛ amun nin Ɲanmiɛn be nanti klanman’n. 12 Kɛ amún yó sɔ’n, maan amun tran minndɛ Zoova* i cɛn m’ɔ́ wá bá’n,+ yɛ maan amun ɲin tran cɛn sɔ’n su kpa.* Cɛn sɔ’n nun’n, sin dí ɲanmiɛn su lɔ’n,+ yɛ ninnge nga be loli dan’n, bé kló.