Ɲanndra Mun

10 Salomɔn i ɲanndra mun.+

Ba ng’ɔ ti ngwlɛlɛfuɛ’n ɔ yo maan i si i klun jɔ,+

sanngɛ ba ng’ɔ ti sinnglinfuɛ’n ɔ yo maan i nin i wla bo i wun.

 2 Like kpakpa nga be fa gblɛ be ɲɛn i’n, ɔ yoman be wun sa ye,

sanngɛ seiin nantilɛ’n de sran wie’n i sa nun.+

 3 Zoova su yaciman sran ng’ɔ nanti seiin’n i lɛ naan awe kun i,+

sanngɛ ɔ su faman like nga klunwifuɛ’m be ɲin blo i wun’n manman be.

 4 Fuɛn yolɛ’n yɛ ɔ fa yalɛ’n ba-ɔ,+

sanngɛ junman kekle dilɛ’n yɛ ɔ fa aɲanbeun’n ba-ɔ.+

 5 Ba ng’ɔ ti akunndanfuɛ’n, ɔ tiantian aliɛ nuan sie i wawa’n nun,

sanngɛ ba ng’ɔ lafi kpa pɔɔ ninnge’m be kpɛlɛ blɛ’n nun’n, i ɲin gua ase.+

 6 Sran kpa’n, muae cɛ yɛ ɔ o i ngban’n su-ɔ,+

sanngɛ klunwifuɛ’n i liɛ’n, ɔ fia nzaje sa nga i waan ɔ́ yó’n su.

 7 Be wla kpɛ́n sran kpa’n i su, yɛ bé bó i dunman kpa,+

sanngɛ klunwifuɛ’n i dunman’n liɛ’n, ɔ́ núnnún sekeseke.+

 8 Sran ng’ɔ ti ngwlɛlɛfuɛ’n, ɔ́ sɔ́ like* nga bé klé i’n nun,+

sanngɛ sran nga sinnzin ndɛ yɛ ɔ kan’n, bé tíɛtíɛ i su.+

 9 Sran ng’ɔ nanti seiin’n, ɔ́ nánti-ɔ srɛ kunmɛn i,+

sanngɛ sran ng’ɔ yo ninnge mun gblɛ nun’n, bé

wún i bo.+

10 Sran ng’ɔ bu i ɲinma kplɛ kle i wiengu’n, ɔ yo maan sran wun i ɲrun,+

yɛ sran nga sinnzin ndɛ yɛ ɔ kan’n, bé tíɛtíɛ i su.+

11 Sran kpa’n i nuan nun ndɛ’n man nguan,+

sanngɛ klunwifuɛ’n i liɛ’n, ɔ fia nzaje sa nga i waan ɔ́ yó’n su.+

12 Kpɔlɛ’n yɛ ɔ kpɛ ndɛnngan ba-ɔ,

sanngɛ klolɛ’n kata fɔnlɛ nga be fɔn’n i kwlaa su.+

13 Sran ng’ɔ bu sa sin’n, ngwlɛlɛ ndɛ yɛ ɔ fin i nuan fite-ɔ,+

sanngɛ ɲantiaan’n su tuman sran nga ngwlɛlɛ’n w’a timɛn i’n,* i wiasin.+

14 Ngwlɛlɛfuɛ’m be fa like

nga be si i’n be sie be

klun kpa,+

sanngɛ sinnglinfuɛ’m be nuan’n kpɛ saɛ ba.+

15 Sikafuɛ’n bu i kɛ i aɲanbeun’n* ti kɛ klɔ kun mɔ be sisili i wun kpa’n sa.

Yalɛfuɛ’n kusu i like ng’ɔ yi i ase’n yɛle i yalɛ’n.+

16 Like nga sran kpa’n yo’n i agualiɛ’n yɛle nguan’n.

Sanngɛ like nga klunwifuɛ’n ɲɛn i’n, sa tɛ yɛ ɔ fa yo-ɔ.+

17 Sran nga be tu i fɔ m’ɔ fa su’n, ɔ kle i wiengu’m be nguan atin’n,*

sanngɛ sran ng’ɔ kloman kɛ be ijɔ i’n, ɔ yo maan i wiengu’m be mlin.

18 Sran ng’ɔ kpɔ i wiengu m’ɔ fia su’n, ɔ ti gblɛfuɛ,+

yɛ sran ng’ɔ tɔn i wiengu suɛn* sin’n, ɔ ti sinnglinfuɛ.

19 Sran ng’ɔ ijɔ ngboko’n, ɔ yaciman fɔnlɛ le,+

sanngɛ sran ng’ɔ niɛn i nuan’n su’n, ɔ fa ngwlɛlɛ nanti.+

20 Sran kpa’n i nuan’n ti kɛ sika’n i kpafuɛ’n sa,+

sanngɛ klunwifuɛ’n i klun akunndan’n* yoman sa fi ye.

21 Sran kpa’n i nuan nun ndɛ’n ta sran kpanngban,*+

sanngɛ sinnglinfuɛ’m be sinnzin’n ti’n, be wu.+

22 Sran’n i su mɔ Zoova yra’n yɛ maan ɔ ɲɛn i wun-ɔn,+

yɛ ɔ faman afɛ* fi ukaman su.

23 Sinnglinfuɛ’n i ɲrun’n, ɲannzuɛn sa’m be yolɛ’n ti kɛ ngowa kanlɛ sa,

sanngɛ ngwlɛlɛ’n ti be nga be bu sa sin’n be liɛ.+

24 Like nga klunwifuɛ’n sro i’n yɛ ɔ́ tɔ́ i su-ɔ.

Sanngɛ like nga sran kpa’n i ɲin o i sin’n, bé fá mɛ́n i.+

25 Kɛ aunmuan dan’n ko sin’n, be su wunman klunwifuɛ’n kun,+

sanngɛ sran kpa’n ti kɛ like mɔ b’a wlɛ i bo ase’n sa, ɔ́ ká lɛ tititi.+

26 Vinɛgli’n ɲan be je’n, yɛ sin wunsrɛn’n wlu be ɲinma’n su,

kɛ fuɛnfuɛ’n wla sran ng’ɔ sunmɛn i’n* i klunngbɔ sɔ-ɔ.

27 Zoova i srolɛ’n yo maan be nguan ɲanman’n yo tɛnndɛn,+

sanngɛ bé kpɛ́ klunwifuɛ’m be nguan ɲanman’n i sin.+

28 Like nga sran kpa’n i ɲin o i sin’n* ti’n, i klun jɔ,+

sanngɛ like nga klunwifuɛ’m be fa be wla gua su’n ɔ́ núnnún.+

29 Sa nga Zoova yo be’n, be ti kɛ sran nga be kwlá sacimɛn i wun’n i

fiawlɛ sa,+

sanngɛ sa sɔ’m be ti’n, sa tɛ yofuɛ’m be nunnun.+

30 Be su yiman sran kpa’n i ase le,+

sanngɛ klunwifuɛ’m be liɛ’n, be su tranman asiɛ’n su kun.+

31 Sran kpa’n i nuan nun ndɛ’n ti ngwlɛlɛ ndɛ,

sanngɛ bé yó maan klunwifuɛ’m bé múan be nuan’n su.

32 Ndɛ ng’ɔ fin sran kpa’n i nuan’n ɔ ti ndɛ fɛfɛ,

sanngɛ klunwifuɛ’n i nuan nun ndɛ’n ti ndɛ tɛtɛ ngunmin.