Jue Mun

Ɔ ti jue tofuɛ’m be su kpɛn’n i liɛ. Davidi i jue’m be nun kun-ɔn. Kɛ Davidi nin Bati-Seba be lali+ mɔ Ɲanmiɛn nuan ijɔfuɛ Natan ko wunnin i wun’n, yɛ ɔ kpɛli jue sɔ’n niɔn.

51 Ee Ɲanmiɛn, ɔ sran klolɛ dan’n ti’n, si min aunnvɔɛ.+

Ɔ sran aunnvɔɛ silɛ dan’n ti’n, nunnun min sa tɛ mun.+

 2 Wunnzin min kpa naan min fɔnlɛ’n wie.+

Yɛ yo min sanwun naan min sa tɛ’n wie.+

 4 Ɔ bɔbɔ ɔ wun yɛ n dun mmua n fɔnnin-ɔn.*+

Sa ng’ɔ ti tɛ ɔ ɲrun’n yɛ n yoli-ɔ.+

Kɛ a ijɔ’n, be wun kɛ a ti nanwlɛfuɛ

yɛ a di jɔlɛ nanwlɛ su.+

 6 Nian! Like nga a klo kpa kɛ ɔ tran sran nun’n, yɛle nanwlɛ’n.+

Kle min like naan ngwlɛlɛ kpafuɛ’n tran min awlɛn’n nun.

 7 Fa izɔpu yo min sanwun naan min sa tɛ’n wie, i liɛ’n ń yó sanwun.+

Wunnzin min, naan n fɛn fuaii n tra laglasi m’ɔ fin nglo lɔ gua munkɛnmunkɛn’n.+

 9 To ɔ ɲin blo* naan w’a wunman min sa tɛ mun.+

Yɛ nunnun min fɔnlɛ’m be kwlaa.+

11 Nán fuan min ɔ ɲrun lɛ.

Nán yi ɔ wawɛ’n min su.

12 Yo maan n di delɛ mɔ a de min’n i su aklunjɔɛ ekun.+

Yo maan min ɲin yi wɔ min klun klo su.*

13 Ń fá ɔ atin mun ń klé sa tɛ yofuɛ mun.+

I liɛ’n, sa tɛ yofuɛ’m bé sá be sin ɔ wun.

14 Ee Ɲanmiɛn, wɔ mɔ a ti min defuɛ’n,+ sran mɔ n kunnin i’n ti’n, de min+

naan min taaman’n kan sa kpakpa nga a yo be’n be ndɛ aklunjɔɛ su.+

16 Afin a kunndɛman kɛ be yi tɛ be man wɔ, sɛ ɔ timɛn i ti’n nn ń yí wie ń mán wɔ.+

A kloman kɛ be yi tɛ nga kɛ bé yí’n be yra nnɛn’n i kɔlikɔli’n, be man wɔ.+

17 Be wla m’ɔ bo be wun’n, yɛ ɔ ti tɛ mɔ Ɲanmiɛn i klun jɔ su’n niɔn.

Ee Ɲanmiɛn, sran nga i awlɛn w’a kpɔtɔ i klun’n, mɔ i akunndan w’a sanngan’n, a su yimɛn i blo.*+

18 Yo like ng’ɔ ti kpa’n man Siɔn klun ufue su.

Kplan Zerizalɛmun klɔ’n i wun talɛ mun.