Jue Mun

145 Ee, min Ɲanmiɛn mɔ a ti min Famiɛn’n, ń mánmán wɔ,+

ń mánmán ɔ dunman’n tititi.+

 5 Bé kán ɔ aɲrunɲan m’ɔ yo ɲɛnmɛn dan’n i ndɛ,+

yɛ ń bú ɔ abonuan sa’m be su akunndan.

 6 Bé kán sa dandan nga a yo be’n be ndɛ,

yɛ ń kán ɔ dan mɔ a

ti’n i ndɛ.

 7 Kɛ be wla kpɛ́n ɔ klun ufue dan’n su’n, bé mánmán wɔ lelele,+

yɛ bé kpán aklunjɔɛ kpanlɛ, ɔ sa nuan su sɛsɛ

yolɛ’n ti.+

 8 Zoova si aunnvɔɛ yɛ ɔ yaci sa cɛ,+

ɔ faman ya ndɛndɛ, yɛ ɔ klo sran dan.+

 9 Zoova ti kpa man ninnge ng’ɔ yili be’n be kwlaa,+

yɛ i aunnvɔɛ silɛ’n i ɲin fite like kwlaa ng’ɔ yo’n nun.

10 Ee Zoova, ɔ sa nuan ninnge’m be kwlaa bé

yí ɔ ayɛ,+

yɛ ɔ sufuɛ kpa’m bé mánmán wɔ.+

11 Bé kán ɔ famiɛn dilɛ’n i aɲrunɲan’n i ndɛ,+

yɛ bé kán kwlalɛ mɔ a le

i’n i ndɛ+

12 naan sran’m be si sa dandan nga a yo be’n,+

naan be si ɔ famiɛn dilɛ’n i aɲrunɲan m’ɔ yo ɲɛnmɛn’n.+

13 Ɔ famiɛn dilɛ’n, ɔ ti famiɛn dilɛ kun m’ɔ o lɛ tititi-ɔ,

yɛ ɔ sielɛ’n o lɛ blɛ kwlaa nun.+

14 Zoova suan be kwlaa nga be su tɔ’n be bo,+

yɛ ɔ man be kwlaa nga b’a klu’n be su.+

15 Be kwlaa be ɲin ta ɔ ɲrun,

a man be aliɛ blɛ ng’ɔ ti i su’n i nun.+

16 A trɛ ɔ sa’n nun,

yɛ a man ninnge kwlaa nga be o nguan nun’n be like ng’ɔ ju be’n.+

17 Zoova yo sa i nuan su sɛsɛ sa kwlaa nun,+

yɛ sa kwlaa ng’ɔ yo’n kle kɛ ɔ ti nanwlɛfuɛ.+

18 Zoova o be kwlaa nga be kpan flɛ i’n be wun koko,+

ɔ o be kwlaa nga be kpan flɛ i nanwlɛ su’n be wun koko.+

20 Zoova sasa be kwlaa nga be klo i’n,+

sanngɛ ɔ́ wá núnnún klunwifuɛ’m be kwlaa.+