JUE 69
Maan e bo Sielɛ’n i jasin’n e wɔ e ɲrun!
Nga be yili i fluwa su'n
1. Maan e bo jasin’n e wɔ e ɲrun,
E bo i nvle kwlakwla nun.
Kɛ mɔ e klo e wiengu mun’n ti’n,
E uka wɛtɛɛfuɛ mun.
Ɲanmiɛn i junman’n ti e cinnjin,
I Ndɛ’n i kanlɛ’n yo e fɛ.
E fite e ko bo jasin fɛ’n,
Maan e manman Ɲanmiɛn dunman’n.
(I SU SƆLƐ)
E wɔ e ɲrun, e bo Sielɛ jasin’n
e kle sran kwlakwla.
E wɔ e ɲrun, e su Zoova,
e jrɛn i sin titi.
2. Bua wie mun nin nga be o ngunmin’n,
Maan e bo yo kun e wɔ.
Kpɛnngbɛn, gbanflɛn, yasua nin bla mun,
Amun nanti nanwlɛ’n nun.
Ɲanmiɛn Sielɛ’n i su jasin fɛ’n,
Ɔ fata kɛ sran kwlakwla ti.
Zoova yɛ maan e bo jasin’n niɔn.
Ɔ maan srɛ kunman e kaan sa!
(I SU SƆLƐ)
E wɔ e ɲrun, e bo Sielɛ jasin’n
e kle sran kwlakwla.
E wɔ e ɲrun, e su Zoova,
e jrɛn i sin titi.
(Nian Jue. 23:4; Yol. 4:29, 31; 1 Piɛ. 2:21 nun wie.)