An nian amun wun kpa, an jran kekle

1. An nian an wun, an jran kekle,

An kle kɛ an ti yasua.

An kle kɛ amun awlɛn sɔ,

Afin saan é ɲán kwlalɛ’n.

E fa ndɛ mɔ Zezi kannin’n su,

I sɔ’n yo maan e jran kekle kpa.

2. An nian an wun kpa ngwlɛlɛ su,

Maan amun ɲin yi Ɲanmiɛn.

Klist i atin’n mɔ sran kpa’n kle’n,

Nán e ɲin kpa su mlɔnmlɔn.

E fa kpɛnngbɛn’m be afɔtuɛ’n su,

Be fa ndɛ nanwlɛ’n sasa e kpa.

3. An nian an wun, an bo yo kun,

Jasin fɛ’n i bolɛ’n nun.

Kannzɛ sran’m be nin e kun sɛ,

É bó jasin’n gúɛ i bo.

An bla maan e bo i lika kwlaa.

Nian! Zoova i cɛn dan’n su wa ba!