Maan e ɲin tran akatua’n su!

1. Aɲinsifuɛ’m bé wún ase,

Sutrefuɛ’n liɛ’n, ɔ́ wá tí sa,

Asiɛ kee’n su’n, ijre’n bó ɲrɛ,

Nzue ti’m bé ɲrɛ́n aawlɛ’n nun,

Sran wie fi i awlɛn su sran

Su wuman kun treketreke.

Sɛ e waan Miɛn yra e su sɔ’n,

Maan e ɲin tran akatua’n su.

2. Bobofuɛ mun bé wá íjɔ,

Yɛ sran oke’m bé yó gbanflɛn,

Asiɛ’n su ninnge’m bé bú kpa.

Be su di’a aliɛ’n i yalɛ,

Bakanngan’m be liɛ’n, bé tó jue,

Bé dí aklunjuɛ’n nin fɔundi,

Yɛ é wún be nga bé wá cɛ́n’n,

Sɛ e ɲin tran akatua’n su’n.

3. Gboklo’n, bua’n bé trán likawlɛ,

Ursu’n nin nannin ba’n bé trán,

Bakan kun ɔ́ wá kánkán be,

Yɛ srɛ fi su kunmɛn i nin’n.

Be su sunman kun mlɔnmlɔnmlɔn.

Srɛ nin afɛ nunman lɛ kun.

Sɛ e ɲin tran akatua’n su’n,

É wún Ɲanmiɛn ninnge yolɛ’n.