Ndɛ wie mun ekun

^ [1] (ndɛ kpɔlɛ 3) Sa sunman be ti’n, aniaan wie’m be kwlá tranman aɲia’m be bo titi. Yɛ wie liɛ’n, be lemɛn i yowlɛ. I wie yɛle be nga be ti tukpacifuɛ’n, be liɛ. Aniaan sɔ’m be kwla lafi su kɛ Zoova wun sa ng’ɔ o be su’n i wlɛ. Naan be ɲin mɔ be mian be su i’n, ɔ yo i fɛ dan. Asɔnun kpɛnngbɛn’m be kwla fa ajalɛ wie mun naan aniaan sɔ’m be tie ndɛ nga be kɛn i aɲia’n i bo lɔ’n wie. I wie yɛle kɛ, be kwla fa ndɛ mun sie i kasɛti su. Annzɛ be kwla fa telefɔnun sie i aniaan’m be awlo lɔ naan kɛ bé yó aɲia’n, be tie wie.