ƝANMIƐN NDƐ’N NUN NINNGE KPAKPA WIE MUN | MATIE 18–19
Maan e nian e wun su naan e bɔbɔ, annzɛ sran uflɛ w’a tɔman
Zezi fali sunnzun ase wie mun naan w’a kle like nga ti yɛ ɔ timan kpa kaan sa kɛ e ti’n, e bɔbɔ annzɛ e niaan wie tɔ.
Kɛ be se kɛ “like ng’ɔ maan sran’m be ti nun saci’n,” yɛle like nga sran kun yo, annzɛ sa wie m’ɔ ju mɔ i ti’n, sran kun kwla fa atin tɛ su’n, annzɛ ɔ bu akunndan tɛ, annzɛ ɔ yo sa tɛ wie’n.
Sran ng’ɔ yo maan i wiengu kun tɔ’n, ɔ ti tɛ tra kɛ be fa yɛbuɛ dan nga be fa si ninnge mun’n, be minndɛ i kɔmin naan be to i yi jenvie’n nun.
Yɛbuɛ nin dan nga be fa si ninnge mun’n.
Be sa nin be ɲinma mɔ be ti ninnge cinnjin’n, Zezi seli i sɔnnzɔnfuɛ’m be kɛ sɛ ninnge sɔ’m be ti’n, be yo sa tɛ’n, ɔ fata kɛ be tu be annzɛ be kpɛ be yi be blo.
Sɛ e kpɔci like kun mɔ e klo i dan’n naan e ɲan nguan’n, ɔ ti kpa tra kɛ ɔ ka lɛ naan be fa e yi ɲrɛnnɛn lika’n i sin’n nun. Ɲrɛnnɛn lika’n i sin’n ti wie’n i nzɔliɛ.
?Ngue yɛ n yo mɔ i ti’n, n bɔbɔ annzɛ sran uflɛ kwla tɔ sa tɛ’n nun-ɔn? ?Yɛ ngue yɛ ń yó naan n bɔbɔ annzɛ sran uflɛ w’a tɔman sa tɛ’n nun-ɔn?