LIKE SUANLƐ 19
?Zoova i Lalofuɛ mun yɛ be ti Klisifuɛ kpa mun-ɔn?
E mɔ e ti Zoova i Lalofuɛ mun’n e lafi su kɛ e yɛ e ti Klisifuɛ kpa mun-ɔn. ?Ngue ti yɛ e se sɔ-ɔ? Ɔ fin like nga e lafi su’n, ɔ nin dunman nga be fa sie e nzɔliɛ’n, ɔ nin klolɛ mɔ e klo e wiengu mun’n.
1. ?Ngue su yɛ like nga Zoova i Lalofuɛ’m be kle’n ɔ taka-ɔ?
Zezi seli kɛ: ‘Ɲanmiɛn ndɛ’n ti nanwlɛ.’ (Zan 17:17) Kɛ Zezi sa’n ndɛ nga Zoova i Lalofuɛ’m be kan’n ɔ taka Ɲanmiɛn Ndɛ’n su. Maan e fa e ɲin e sie i ninnge wie mɔ e yoli be’n be su. Afuɛ 1870 be nun lɔ’n, sran wie mɔ be klo Biblu’n nun ndɛ’n i kpa’n, be fali be ɲin be sieli Biblu’n nun ndɛ’n su naan bé wún like nga Biblu’n kle i sakpasakpa’n. Ndɛ nga be wunnin i Biblu’n nun’n i su yɛ be fali-ɔ. Kannzɛ ndɛ sɔ’n ɔ nin ndɛ nga Ɲanmiɛn sulɛ wafa’m be kle’n ɔ timan kun’n, sanngɛ Biblu’n i ndɛ liɛ’n su yɛ be fali-ɔ. I sin’n, be kannin ndɛ nanwlɛ mɔ be wunnin i Biblu’n nun’n i ndɛ be kleli be wiengu mun.a
2. ?Ngue ti yɛ be flɛ e kɛ Zoova i Lalofuɛ mun-ɔn?
Zoova flɛ i sufuɛ’m be kɛ i lalofuɛ mun, afin be kɛn i su ndɛ nanwlɛ’n be kle sran mun. (Ebre Mun 11:4–12:1) I wie yɛle kɛ lalafuɛ nun’n Zoova seli i nvle nunfuɛ’m be kɛ “Amun ti min lalofuɛ.” (Kanngan Ezai 43:10 nun.) Asa ekun’n, Biblu’n nun be flɛ Zezi kɛ “Lalofuɛ nanwlɛfuɛ’n.” (Sa Nglo Yilɛ 1:5) I sɔ’n ti’n, afuɛ 1931 nun’n be wa flɛli e kɛ Zoova i Lalofuɛ mun. Dunman sɔ m’ɔ o e su’n, ɔ ti e cenjele like dan.
3. ?Wafa sɛ yɛ Zoova i Lalofuɛ’m be kle kɛ be klo sran kɛ Zezi sa-ɔ?
Zezi kloli i sɔnnzɔnfuɛ’m be dan ti’n, ɔ buli be kɛ i niaan mun sa. (Kanngan Marki 3:35 nun.) I wafa kunngba’n, Zoova i Lalofuɛ nga be o mɛn wunmuan’n nun’n, be ti kɛ awlobo kun nunfuɛ mun sa. Yɛ be afiɛn mantan kpa. I sɔ’n ti’n, e flɛ e wun kɛ aniaan bian annzɛ aniaan bla. (Filemɔn 1, 2) Biblu’n se e kɛ: “An klo aniaan’m be kwlaa.” E mian e ɲin e nanti mmla sɔ’n su. (1 Piɛli 2:17) Sa sunman nun’n, Zoova i Lalofuɛ’m be kle kɛ be klo sran. I wie yɛle kɛ mɛn wunmuan’n nun’n, kɛ sa kekle tɔ e niaan’m be su’n e ko ti be wun ɲanman nun.
SI NDƐ’N NUN KPA EKUN
Maan e fa e ɲin e sie i Zoova i Lalofuɛ’m be su ndɛ’n su kpa ekun. É wá wún kɛ be yɛ be ti Klisifuɛ kpa mun sakpa-ɔ.
Ndɛ nga Klisifuɛ kpa’m be kan’n ɔ taka Biblu’n nun ndɛ’n su. Yɛ be kɛn i ndɛ be kle be wiengu mun.
4. Ndɛ nga e kan’n taka Biblu’n su
Zoova dun mmua seli kɛ blɛ wie wá jú’n, sran kpanngban bé wá sí Biblu’n nun ndɛ nanwlɛ’n i kpa. An kanngan Daniɛli 12:4 nin ndɛ ng’ɔ o ja ngua lɔ’n nun, i sin’n an koko kosan yɛ’n i su yalɛ:
?Kɛ Ɲanmiɛn i sran’m bé súan Biblu’n nun like bé kɔ́’n sa benin yɛ ɔ́ wá jú-ɔ?
Wafa nga Sali Risɛli ɔ nin sran wie mun ekun be suannin Ɲanmiɛn Ndɛ’n i nun like’n. An bo VIDEO’N, i sin’n an koko kosan yɛ’n i su yalɛ.
?Video’n nun’n, wafa sɛ yɛ Sali Risɛli ɔ nin i wiengu mun be suannin Biblu’n nun like-ɔ?
Nian nga wie
Blɛ wie nun’n e wa wunnin ninnge wie’m be wlɛ wafa uflɛ. ?Ngue ti-ɔ? Kɛ nga lika’n kpaja nglɛmun nun, m’ɔ kpaja kɔ i ɲrun lele lika’n fa titi weiin’n sa’n, Ɲanmiɛn kusu ɔ uka e blɛblɛblɛ naan e wun i nuan ndɛ’n i wlɛ. (Kanngan Ɲanndra Mun 4:18 nun.) Biblu’n nun ndɛ’n kaciman, sanngɛ wie liɛ’n kɛ ɔ́ kɔ́ i ɲrun’n e wun Biblu’n nun ndɛ wie’m be wlɛ kpa tra laa.
5. Kɛ e dunman’n fa ti’n i su yɛ e nian e nanti-ɔ
?Ngue ti yɛ be flɛ e Zoova i Lalofuɛ mun-ɔn? An bo VIDEO’N, i sin’n an koko kosan yɛ’n i su yalɛ.
?Ngue ti yɛ kɛ be flɛ e Zoova i Lalofuɛ mun’n ɔ ti su-ɔ?
?Ngue ti yɛ Zoova kpali sran wie mun naan be yo i lalofuɛ-ɔ? Sran’m be buali Ɲanmiɛn i su ato kpanngban. Ɔ maan i lalofuɛ’m be uka sran mun naan b’a si i su ndɛ nanwlɛ’n. Maan e fa e ɲin e sie i Ɲanmiɛn i su ato ndɛ nɲɔn mɔ sran’m be kan’n su.
Ɲanmiɛn sulɛ wafa wie’m be waan Ɲanmiɛn kunndɛ kɛ e sin ninnge nga be sɛli be’n, annzɛ like uflɛ lika e su i. An kanngan Sanwun Yolɛ 26:1 nun, i sin’n an koko kosan yɛ’m be su yalɛ:
?Be ndɛ sɔ’n ti nanwlɛ? ?Wafa sɛ yɛ Zoova bu ninnge nga sran’m be sin be lika be su i’n niɔn?
Ɲanmiɛn sulɛ wafa wie’m be su kpɛn’m be se sran’m be kɛ Zezi yɛ ɔ ti Ɲanmiɛn’n niɔn. An kanngan Zan 20:17 nun, i sin’n an koko kosan yɛ’m be su yalɛ:
?Be ndɛ sɔ’n ti nanwlɛ? ?Zezi nin Ɲanmiɛn be ti kun?
?Kɛ a si kɛ Zoova sunmɛnnin i lalofuɛ mun naan be kɛn i bɔbɔ, ɔ nin i Wa’n be su ndɛ nanwlɛ’n be kle sran mun’n, i sɔ’n yo wɔ sɛ?
6. E klo e wiengu
Biblu’n fa Klisifuɛ mun sunnzun e wunnɛn’n i likalika mun. An kanngan 1 Korɛntifuɛ Mun 12:25, 26 nun, i sin’n an koko kosan yɛ’m be su yalɛ:
?Kɛ Klisifuɛ kpa mun be wun kɛ be niaan’m be su fɛ’n, ngue yɛ ɔ fata kɛ be yo-ɔ?
?Ɔ bɔbɔ a sieli i nzɔliɛ kɛ Zoova i Lalofuɛ’m be klo be wiengu?
Kɛ sa tɔ Zoova i Lalofuɛ’m be su lika kun’n, be niaan nga be o mɛn wunmuan’n nun’n be uka be. Sa kun m’ɔ kle sɔ’n yɛ. An bo VIDEO’N. I sin’n an koko kosan yɛ’n i su yalɛ.
?Ngue ti yɛ e kwla se kɛ like nga Zoova i Lalofuɛ’m be yoli i lɛ’n ɔ kle kɛ be klo sran-ɔn?
Klisifuɛ kpa’m be uka be nga sa o be su’n. I lɛ nun’n be kle kɛ be klo be.
SRAN WIE’M BE WAAN: “Koko nun wa yɛ Zoova i Lalofuɛ’m be bali be liɛ-ɔ.”
?Blɛ benin nun yɛ Zoova flɛli i sufuɛ’m be kɛ i lalofuɛ mun-ɔn?
NDƐ’N I KPƆLƐ BOLƐ
Zoova i Lalofuɛ mun yɛ be ti Klisifuɛ kpa mun-ɔn. Mɛn wunmuan’n nun’n e kwlaa e ti niaan. Ndɛ nga e kan’n ɔ taka Biblu’n su, yɛ e kan Zoova i su ndɛ nanwlɛ’n e kle sran mun.
Ndɛ’n i nun flanlɛ
?Ngue ti yɛ be flɛ e kɛ Zoova i Lalofuɛ mun-ɔn?
?Wafa sɛ yɛ e nin e wiengu mun e tran-ɔn?
?A bu i kɛ Zoova i Lalofuɛ mun yɛ be ti Klisifuɛ kpa mun-ɔn?
NDƐ WIE MUN EKUN
Video kun m’ɔ kan Zoova i Lalofuɛ’m be ndɛ’n.
Zoova i Lalofuɛ mun—Be kleli kɛ be lafi Ɲanmiɛn su, i bue 1: B’a fin aosin nun b’a fite (1:00:53)
Wafa nga Zoova i Lalofuɛ’m be yili ato ndɛ wie’m be nglo’n.
Zoova i Lalofuɛ’m be su kosan wie mɔ sran’m be ta be usa’n, be su tɛlɛ’n.
“Zoova i Lalofuɛ’m be su kosan nga sran’m be ta be usa’n” (jw.org su ndɛ)
Laa’n aniaan bian kun mɔ be flɛ i Sefɛnin’n ɔ kloman sran wie mun. Ɔ maan ɔ yo be like yaya. Zoova i Lalofuɛ’m be ti’n, ɔ wa kacili.
a Kɛ ɔ fɛ i afuɛ 1879 nun lele andɛ’n, e fluwa’m be nun cinnjin kpafuɛ’n mɔ yɛle Sasafuɛ Tranwlɛ’n, ɔ yiyi Biblu’n nun ndɛ nanwlɛ’n nun.