Siɛ nin niɛn mun, an wla amun wun ase be yo naan amun mma’m be liɛ yo ye

Siɛ nin niɛn nga be ɲin yi Ɲanmiɛn’n, be klo kpa kɛ be mma’m be su Zoova nanwlɛ su be guɛ i ti nin i bo. Sɛ be kle be mma’m be like be kaan nun, naan Ɲanmiɛn Ndɛ’n ɔ tra ndin be awlɛn nun’n, i sɔ liɛ’n kwla yo ye. (Mml 6:7; Nya 22:6) Kɛ ɔ ko yo naan i sɔ’n liɛ’n w’a yo ye’n, ɔ fata kɛ be klɛn be wun be yo ninnge wie mun. Sɛ be yo sɔ’n, i su ye nga bé ɲɛ́n i’n ti’n, be su siman wie se.—3Zn 4.

Siɛ nin niɛn’m be kwla fa Zozɛfu nin Mali be ajalɛ’n be uka be wun kpa. “Afuɛ kwlaa [...] be kɔ Zerizalɛm Delɛ-cɛn dilɛ” kusu nn afɛ o nun yɛ be bo i wun kalɛ. (Lk 2:41) Kɛ e fa wun i lɛ’n, like nga be ko yo naan be awlobo’n w’a su Zoova kpa’n yɛ ɔ yoli be cinnjin-ɔn. Siɛ nin niɛn’m be kwla yo kɛ be sa naan be mma’m b’a fa atin kpafuɛ’n su. Yɛle kɛ blɛ kwlaa nun’n, be ijɔlɛ nun o, be ayeliɛ’n nun o, be kwla mian be ɲin be kle be mma’m be like.—Ju 127:3-5.

AN NIAN VIDEO BE ƝIN W’A KPAMAN BLƐ FI SU. I SIN’N, AN TƐ KOSAN NGA’M BE SU:

• ?Kɛ Jɔn nin Sarɔn Silɛɛ bé tá be mma mun’n, wafa sɛ yɛ be kleli kɛ Ɲanmiɛn i ninnge liɛ mun yɛ ɔ ti be cinnjin-ɔn?

• ?Ngue ti yɛ ɔ fata kɛ, kɛ ba kun fa ti’n, i su yɛ siɛ nin niɛn’m be nian naan b’a kle i like, annzɛ b’a tu i fɔ-ɔ?

• ?Wafa sɛ yɛ siɛ nin niɛn’m be kwla uka be mma mun naan b’a jran sa’m be ɲrun kekle-ɔ?

• ?Ninnge nga Zoova i anuannzɛ’n yi be’n, benin yɛ an fa ukali amun mma mun naan be nin Zoova b’a tra janvuɛ kpa-ɔ?