• ‘Kan i su ndɛ’n kwlaa’
    ‘Kan Ɲanmiɛn Sielɛ’n i su ndɛ’n kwlaa’

    • “Ɔ kannin Ɲanmiɛn Sielɛ’n i ndɛ” (Yol. 28:30, 31)

      19. ?I nun mɔ Pɔlu o bisua i awlo lɔ’n, ngue yɛ ɔ yoli-ɔ?

      19 Wafa nga Liki guɛli i ndɛ’n i bo’n, ɔ wla fanngan dan. Ɔ seli kɛ: “[Pɔlu] trannin sua mɔ i bɔbɔ lue’n nun afuɛ klonglo nɲɔn. Be nga be bɛli i wun lɛ’n, ɔ sɔli be kwlaa be nun klanman. Ɔ kannin Ɲanmiɛn Sielɛ’n i ndɛ kleli be. Asa ekun’n, ɔ kleli be e Min Zezi Klisi i su like yakpa su, yɛ sran fi w’a tɛnndɛnmɛn i ɲrun.” (Yol. 28:30, 31) Nanwlɛ, Pɔlu sɔli sran kwlaa nun. Ɔ yili i nglo kɛ ɔ lafi Ɲanmiɛn su, yɛ ɔ kannin Ɲanmiɛn ndɛ’n i juejue su.

      20, 21. ?Wan mun yɛ be ɲannin jasin nga Pɔlu boli i Rɔmun lɔ’n i su ye wie-ɔ?

      20 Be nga Pɔlu sɔli be nun klanman sɔ’n be nun kun yɛle Onezimun. Bian sɔ’n ti kanga, ɔ fin Kolɔsu yɛ ɔ wanndili i min’n. Pɔlu ukɛli i maan ɔ kacili Klisifuɛ. Ɔ wa kacili Pɔlu ‘i niaan kpa m’ɔ klo i kpa’n.’ I kpa bɔbɔ’n, kɛ ɔ́ kɛ́n i ndɛ’n ɔ seli kɛ: ‘Min wa, afin m’an kaci kɛ i si sa.’ (Kol. 4:9; Flm. 10-12) Kɔlɛ’n, Onezimun wlali Pɔlu i fanngan dan.a

      21 Sran wie mun ekun be ɲannin Pɔlu i ajalɛ klanman’n i su ye wie. Pɔlu klɛli Filipufuɛ’m be fluwa seli be kɛ: “Min su sa’n ti’n, jasin fɛ’n ɔli i ɲrun. Ɔ maan be nga be nian Rɔmun famiɛn’n su’n nin sran wie mun ekun be tili i kɛ Klisi i dunman nun ti yɛ n wo bisua-ɔ. Bisua mɔ n wo’n ti’n, aniaan sunman mɔ be nin e Min’n be o nun’n, b’a ɲan awlɛn siɛn’n. Ɔ maan be kan Ɲanmiɛn ndɛ’n yakpa su, yɛ srɛ kunman be.”—Fip. 1:12-14.

  • ‘Kan i su ndɛ’n kwlaa’
    ‘Kan Ɲanmiɛn Sielɛ’n i su ndɛ’n kwlaa’

    • 25, 26. ?Ndɛ benin yɛ Zezi kannin mɔ Pɔlu wunnin kɛ ɔ kpɛnnin su-ɔ? ?Yɛ andɛ’n wafa sɛ yɛ ndɛ sɔ’n kpɛn su-ɔ?

      25 Nanwlɛ, wafa nga ndɛ ng’ɔ o Sa Nga Be yoli’n fluwa’n nun’n i bo’n gua’n, ɔ wla e fanngan dan. Klisi i akoto kun o bisua, sua kun mɔ be di i gladi’n nun. Yɛ kɛ ɔ o lɔ kusu’n, ɔ kan Ɲanmiɛn Sielɛ’n i ndɛ kle be kwlaa nga be wa niɛn i osu’n. Sa Nga Be Yoli’n i ndɛ tre klikli’n nun’n, e wunnin kɛ Zezi mɛnnin i sɔnnzɔnfuɛ’m be junman cinnjin kun. Yɛ e kanngannin ndɛ ng’ɔ kannin’n nun. Ɔ seli kɛ: “Kɛ amun ko ɲan Ɲanmiɛn wawɛ’n, amún ɲán wunmiɛn. Ɔ maan amún kán min ndɛ Zerizalɛmun wa, nin Zide wunmuan’n nun, ɔ nin Samari lele fá jú asiɛ’n i tiwa lɔ.” (Yol. 1:8) Kɛ ɔ kannin sɔ’n, afuɛ ablasan (30) bɔbɔ w’a juman, be kannin Ɲanmiɛn Sielɛ’n i ndɛ’n “lika kwlaa nun ɲanmiɛn’n bo wa.”d (Kol. 1:23) I sɔ’n kle kɛ Ɲanmiɛn wawɛ’n kwla sa kwlaa yo.—Zkr. 4:6.