Ulwa kwa Davidi.
א [ʼAʹleph]
25 Kuli imwe, mwe Yehova, e ko natuula umweo wandi.+
ב [Behth]
2 Mwe Lesa wandi, muli imwe e mo natetekela;+
Mwinenga insoni.
Mwileka bacankwe pali ine abalwani bandi.+
ג [Giʹmel]
3 Kabili, bonse abamutetekela tabakalengwe insoni.+
Bakalengwa insoni abamfutuka lelo bafilwa ukucita ukulingana na mapange yabo.+
ד [Daʹleth]
4 Nengeni ukwishiba inshila shenu, mwe Yehova;+
Nsambilisheni inshila shenu.+
ה [Heʼ]
5 Nengeni ukwenda mu cine cenu kabili nsambilisheni,+
Pantu ni mwe Lesa we pusukilo lyandi.+
ו [Waw]
Muli imwe e mo natetekela akasuba konse.+
ז [Zaʹyin]
6 Ibukisheni uluse lwenu,+ mwe Yehova, ne cikuuku cenu,+
Pantu fyabako umuyayaya.+
ח [Chehth]
7 Mwi-ibukisha imembu shandi isha ku bwaice pamo na bumpulamafunde bwandi.+
Njibukisheni ukulingana ne cikuuku cenu,+
Pa mulandu wa busuma bwenu, mwe Yehova.+
ט [Tehth]
8 Yehova musuma kabili alilungama.+
E co asambilishisha ababembu umwa kwenda.+
י [Yohdh]
9 Akalenga abafuuka ukwenda mu bupingushi bwakwe,+
Kabili akasambilisha abafuuka imibele yakwe.+
כ [Kaph]
10 Inshila sha kwa Yehova shonse cikuuku ne cishinka
ku basunga icipangano+ cakwe ne fya kutwibukishako fyakwe.+
ל [Laʹmedh]
11 Pa mulandu we shina lyenu, mwe Yehova,+
Lekeleleni ubupulumushi bwandi, pantu bwakula.+
מ [Mem]
12 E ico, nani uuli na katiina kuli Yehova?+
Akamusambilishisha mu nshila iyo akasala.+
נ [Nun]
13 Umweo wakwe ukekala mu busuma,+
Kabili abana bakwe bakakwata icalo.+
ס [Saʹmekh]
14 Yehova ni cibusa wa bantu abamutiina,+
Ne cipangano cakwe caba kuli bena, pa kuti abalenge ukucishiba.+
ע [ʽAʹyin]
15 Amenso yandi lyonse yalola kuli Yehova,+
Pantu e ufumya amakasa yandi mwi sumbu.+
פ [Peʼ]
16 Ndolesheni, kabili mbeleleni uluse;+
Pantu ndi neka kabili nacula.+
צ [Tsa·dhehʹ]
17 Ubulanda bwa ku mutima wandi bwafula;+
Mfumyeni mu macushi ayamponene.+
ר [Rehsh]
18 Moneni ukucula kwandi no kucucutika kwandi,+
Kabili mbeleleni uluse pa membu shandi shonse.+
19 Moneni ifyo abalwani bandi bafula,+
Kabili bampata ulupato ulubi.+
ש [Shin]
20 Nindeni no kumpokolola.+
Mwileka nengwe insoni, pantu nauba muli imwe.+
ת [Taw]
21 Lekeni bukaele no bulungami fininde,+
Pantu nasubila muli imwe.+
22 Mwe Lesa, lubuleni Israele mu mafya yakwe yonse.+