Amalumbo

84 Ing’anda yenu iya lulumbi nali-itemwa nga nshi,+

Mwe Yehova wa mabumba!+

 2 Umweo wandi wafuluka kabili wanaka nga nshi ku kufwaya imansa sha kwa Yehova.+

Umutima wandi no mubili wandi fya-awila Lesa wa mweo utupundu.+

 3 Nangu fye cuni nacipangamo ing’anda,

Na kamimbi nakapangamo icisansala,

Umo kabikile abana ba kako,

Mupepi ne cipailo cenu icikalamba, mwe Yehova wa mabumba, mwe Mfumu yandi kabili Lesa wandi!

 4 Balipaalwa abekala mu ng’anda yenu!+

Batwalilila ukumulumbanya.+ Seʹlah.

 5 Balipaalwa abantu abo amaka yabo yaba muli imwe,+

Abo imitima yabo ifulukisha ukwenda mu nshila sha ku ng’anda yenu.+

 6 Ilyo balepita mu mupokapoka wabulamo amenshi umumena ifimpusa fya bakha,+

Bawalula ukuba akamfukumfuku;

Na kasambilisha+ aifimba amapaalo.

 7 Bakalakwatilako fye amaka ilyo bale-enda;+

Asuka onse amonekela kuli Lesa mu Sione.+

 8 Mwe Yehova Lesa wa mabumba, umfweni ipepo lyandi;+

Kutikeni, mwe Lesa wa kwa Yakobo.+ Seʹlah.

 9 Moneni, mwe Lesa, mwe nkwela yesu,+

Kabili lolesheni pa cinso ca wasubwa wenu.+

10 Pantu ukuba mu mansa shenu ubushiku bumo kwawama ukucila ukwikala inshiku ikana limo (1,000) kumbi.+

Ninsala ukwiminina pa mwinshi mu ng’anda ya kwa Lesa wandi+

Ukucila ukulaendauka mu matenti ya babifi.+

11 Pantu Yehova Lesa, kasuba+ kabili ni nkwela;+

Ipaalo no bukata e fyo apeela.+

Yehova taakatane icisuma ku benda mu bololoke.+