30 Lyena Mose aebele abena Israele ati: “Moneni, Yehova nasala Besalele umwana wa kwa Uri, umwana wa kwa Huri uwa mu mukowa wa kwa Yuda.+ 31 Namupeela umupashi wa kwa Lesa pa kuti abe na mano, aleiluka no kwishiba ifya kupanga ifintu ifyalekanalekana 32 ifisuma, ifya kupanga ifintu ukubomfya golde, silfere no mukuba, 33 ifya kuputula utumabwe ne fya kupanga umwakutufyantika, ne fya kubasa ifintu fya misango yonse. 34 Kabili nabika amano ya kusambilisha mu mutima wakwe na mu wa kwa Oholiabu+ umwana wa kwa Ahisamaki uwa mu mukowa wa kwa Dani.

20 Huri afyele Uri. Uri afyele Besalele.+