15 Kabili malaika wa kwa Yehova abilikishe Abrahamu umuku walenga bubili ukufuma ku muulu, 16 ati: “‘Nailapa,’ e fyalanda Yehova,+ ‘ukutila pa mulandu wa kuti wacita ifi kabili taukeene ukumpeela umwana obe umwaume, umo fye uo wakwata,+ 17 nangu cibe shani nkakupaala kabili nkafusha abakatuntuka mu mwana* obe nge ntanda sha mu muulu kabili ngo mucanga wa mu lulamba lwa bemba,+ kabili umwana* obe akapoka impongolo* sha balwani bakwe.+

10 Lesa amwebele ati: “Ishina lyobe niwe Yakobo.+ Lelo tawakulaitwa ukuti Yakobo, ishina lyobe nomba niwe Israele.” E fyo atendeke ukumwita ati Israele.+ 11 Lesa amwebele no kuti: “Nine Lesa Wa Maka Yonse.+ Nkalenga abakatuntuka muli iwe bakafule. Inko na mabumba ya nko fikafuma muli iwe,+ ne mfumu shikatuntuka muli iwe.*+

13 Pantu ilyo Lesa alaile Abrahamu ubulayo, apo takwaba nangu umo uwamucila uo engalapilamo, ali-ilapile umwine+ 14 ati: “Nangu cibe shani nkakupaala kabili nkakufusha.”+