25 “Nga mwakwata abana na beshikulu kabili mwaikala imyaka iingi mu calo, kabili mwacita ifingalenga mwaonaika, mwapanga ne cimpashanya+ ca musango onse, kabili mwacita ne fyabipa mu menso ya kwa Yehova Lesa wenu ifingamukalifya,+ 26 nalenga imyulu ne sonde ukuti fibe bakambone pali imwe lelo. Nangu cibe shani mukaloba bwangu mu calo ico mukekalamo nga mwa-abuka Yordani. Tamwakekalemo inshiku ishingi, pantu mukaloba.+

17 “Lelo imitima yenu nga yataluka kuli Lesa wenu+ kabili mwakaana ukumfwa kuli ena, kabili nga mwabelelekwa, mwalakontamina na balesa bambi no kulababombela,+ 18 ndemweba lelo nati nangu cibe shani mukaloba.+ Tamwakekale inshiku ishingi mu calo ico muleya mu kwikalamo nga mwa-abuka Yordani.

12 “Lelo nga mwasha Lesa, mwayalambatila kuli ishi inko mushele nasho,+ kabili nga mwalaufishanya nasho+ no kwampana nasho, 13 mufwile ukwishiba ukuti nangu cikabe shani Yehova Lesa wenu takatwalilile ukumucimfishako* ishi inko.+ Shikaba nge citeyo kabili ulukose kabili icikoti ca kumuuminako mu mbafu,+ kabili shikaba nge myunga mu menso yenu mpaka mukalobe muli ici calo icisuma ico Yehova Lesa wenu amupeela.