21 Yaele muka Heberi abuulile ulupoopo lwe tenti na sando. Lyena aile kuli ena alebendelela, kabili ashimpile ulupoopo mu nsensematwi shakwe e lyo alupoopa lwafika na panshi, ninshi Sisera napona mu tulo pantu alinakile sana. E fyo afwile.+

22 Baraki aishile alekonka Sisera kabili Yaele alifumine pa kuti amukumanye kabili amwebele ati: “Iseni imulange uo mulefwaya.” E ico bonse babili balingile mwi tenti kabili amwene Sisera nalaala panshi nafwa, no lupoopo nalupula mu nsensematwi shakwe.