16 “Nomba bushe ifi mubikile Abimeleke pa bufumu+ namulungika? Bushe ifi mucitile filelanga ukuti namucitila Yerubaali na ba mu ng’anda yakwe ifisuma? Bushe ifi mucitile nafilingana ne fyo amucitiile? 17 Ilyo tata alemulwila,+ ali-ibikile mu kapoosa mweo pa kuti amulubule ku bena Midiani.+ 18 Lelo buno bushiku namwimina aba mu ng’anda ya kwa tata kabili namwipaya abana bakwe abaume 70, pe libwe limo line.+ Lyena mwalenga Abimeleke, umwana wa mubomfi wakwe umwanakashi+ aba imfumu pa ntungulushi sha mu Shekemu pantu fye ni munyinenwe.