14 “Ilyo mukafika mu calo ico Yehova Lesa wenu alemupeela, mwacipoka kabili mwalaikalamo, e lyo mwatila, ‘Natusonte imfumu ya kututeka nge fyo caba ku nko shonse ishatushinguluka,’+ 15 ninshi mufwile ukusonta uo Yehova Lesa wenu akasala.+ Uo mulingile ukusonta ukuba imfumu afwile ukuba munyinenwe. Tekwesha ukusonta umulebeshi pantu te munyinenwe.

13 Nomba iyi e mfumu iyo mwasala, iyo mwalefwaya. Yehova namusontela imfumu ya kuti ilemuteka.+

21 Lelo pa numa balombele ukuti babapeele imfumu,+ kabili Lesa abapeele Shauli umwana wa kwa Kishi, uwa mu mukowa wa kwa Benjamini,+ uwabatekele pa myaka 40.