13 E lyo Samwele aebele Shauli ati: “Ifi wacita buwelewele. Taukonkele ifunde ilyo Yehova Lesa obe akupeele.+ Aulikonka, Yehova nga apampamika ubufumu bobe pali Israele umuyayaya. 14 Nomba ubufumu bobe tabwakabelelele.+ Yehova akafwaya umuntu uo umutima wakwe ukatemwa,+ kabili Yehova akalenga akabe intungulushi ya bantu bakwe,+ pantu iwe taukonkele ifunde ilyo Yehova akupeele.”+

17 Amwebele ati: “Wisakamana, pantu batata tabakakwikate; ukaba imfumu pali Israele,+ e lyo ine nkaba inkonkani yobe; kabili batata balishiba ifi.”+

21 E lyo Davidi aebele Mikali ati: “Nacilasefya pa cinso ca kwa Yehova uwansalile ukuba intungulushi ya bantu ba kwa Yehova abena Israele,+ ukucila ukusala wiso na bonse aba mu ng’anda yakwe. E ico nakulasefya pa cinso ca kwa Yehova,

8 Nomba kebe umubomfi wandi Davidi auti, ‘Yehova wa mabumba alanda ati: “Nakufumishe mu mpanga ya mulemfwe umo walecema impaanga+ pa kuti wise ube intungulushi ya bantu bandi abena Israele.+