3 Lyena Solomone no lukuta lonse baile pa ncende balepepelapo mu Gibeone,+ pantu e pali itenti lya kukumaninamo ilya kwa Lesa wa cine, ilyo Mose umubomfi wa kwa Yehova apangiile mu matololo. 4 Lelo Davidi alifumishe icipao ca kwa Lesa wa cine ku Kiriati-yearimu,+ acitwala ku cifulo ico acipekanishishe kabili acipangiile itenti mu Yerusalemu.+ 5 Kabili iciipailo ca mukuba+ ico Besalele+ umwana wa kwa Uri umwana wa kwa Huri apangile bacibikile pa ntanshi ye tenti lya kwa Yehova, kabili Solomone no lukuta lonse balepepa pa ntanshi ya ciko.* 6 Palya e po Solomone atuuliile Yehova imituulo, atuliile imituulo ya koca 1,000 pa ciipailo ca mukuba+ icali pe tenti lya kukumaninamo na Lesa.