Watchtower LAIBRARE YA PA INTANETI

Yoshua 16:10

Baibo—Amalembo ya Calo Cipya
- 10 Lelo tabatamfishe abena Kanaani abaleikala mu Gesere,+ kabili abena Kanaani bekala na bena Efraimu ukufika na lelo,+ kabili balibacita abasha.+

1 Ishamfumu 9:20-22

Baibo—Amalembo ya Calo Cipya
- 20 Nomba abantu bonse abashelepo pa bena Amore, pa bena Hiti, pa bena Perisi, pa bena Hibi na pa bena Yebusi,+ abashali bena Israele,+ 21 abatuntwike muli bena abashele mu calo, abo abena Israele bashaipeye, Solomone abapeele umulimo wa kulaya mu kumubombela kwati basha, kabili e mulimo babomba ukufika na lelo.+ 22 Lelo pa bena Israele tapali nangu umo uo Solomone atekele ubusha,+ pantu bali bashilika bakwe, ababomfi bakwe, bacilolo bakwe, intungulushi shakwe isha bashilika, kabili bali intungulushi sha bale-ensha amaceleta na balenina pali bakabalwe.

2 Imilandu 2:2

Baibo—Amalembo ya Calo Cipya
- 2 Solomone asalile abaume 70,000 aba kubomba imilimo iyalekanalekana,* abaume 80,000 aba kuputula amabwe mu mpili,+ na ba kubangalila 3,600.+

2 Imilandu 2:17, 18

Baibo—Amalembo ya Calo Cipya
- 17 Lyena Solomone apendele abaume bonse abalebeshi abaleikala mu Israele+ nga filya wishi Davidi+ abapendele, kabili asangile ukuti bali 153,600. 18 E ico asalile aba kubomba imilimo iyalekanalekana* abali 70,000, aba kuputula amabwe mu mpili abali 80,000+ na ba kwangalila abalebomba imilimo abali 3,600.+

2 Imilandu 8:7-9

Baibo—Amalembo ya Calo Cipya
- 7 Nomba abantu bonse abashelepo pa bena Hiti, pa bena Amore, pa bena Perisi, pa bena Hibi na pa bena Yebusi+ abashali bena Israele,+ 8 abatuntwike muli bena abashele mu calo, abo abena Israele bashaipeye,+ Solomone abapeele umulimo wa kulaya mu kumubombela kwati basha kabili e mulimo babomba ukufika na lelo.+ 9 Lelo pa bena Israele tapali nangu umo uo Solomone atekele ubusha,+ pantu bali bashilika bakwe, intungulushi shakwe isha bashilika, kabili bali intungulushi sha bale-ensha amaceleta na balenina pali bakabalwe.+