6 Shipeni kabili koseni.+ Mwibatiina kabili mwitutuma,+ pantu Yehova Lesa wenu aleya pamo na imwe. Takamushe kabili takamulekeleshe.”+

8 Yehova e ulekutangilila, kabili akulaba na iwe.+ Takakushe kabili takakulekeleshe. Witiina kabili witutuma.”+

6 Shipa kabili kosa,+ pantu niwe ukalenga aba bantu bakapyane icalo ico nalapile ku fikolwe fyabo ukuti nkabapeela.+

9 Nomba ndekweba na kabili nati, ‘Shipa kabili kosa.’ Witutuma kabili witiina, pantu Yehova Lesa obe akulaba na iwe konse uko wakulaya.”+

16 Lelo amwebele ati: “Witiina!+ Pantu abali ku lubali lwesu bengi ukucila abali ku lubali lwabo.”+ 17 Lyena Elisha apepele ati: “Mwe Yehova, isuleni amenso yakwe pa kuti amone.”+ Ilyo line Yehova aiswile amenso ya mubomfi wa kwa Elisha, kabili amwene bakabalwe na maceleta ya nkondo aya mulilo+ nafishinguluka Elisha+ pamo no mubomfi wakwe wine mu citungu ca mpili monse.

15 Abebele ati: “Umfweni ifyo nalalanda mwe baYuda bonse na mwe bekala mu Yerusalemu na mwe Mfumu Yehoshafati! Yehova atila, ‘Mwitiina kabili mwiba no mwenso pa mulandu wa ili ibumba ilikalamba, pantu ine ne Lesa wenu nine ndelwa iyi inkondo te imwe iyo.+