8 “E ico nomba imwe mulemona ukutila kuti mwalwisha ubufumu bwa kwa Yehova ubo apeele abana ba kwa Davidi, pantu muli ibumba ilikalamba kabili namukwata abana ba ng’ombe aba golde abo Yeroboamu amupangiile pa kuti babe balesa benu.+ 9 Bushe tamwatamfya bashimapepo ba kwa Yehova+ abatuntuka muli Aarone na bena Lebi, kabili bushe tamwaisalila bashimapepo nga filya abantu ba mu fyalo fimbi bacita?+ Kabili onse uwaishile no mwana wa ng’ombe ne mpaanga ishilume 7 kuti aba shimapepo wa tulubi utushili tulesa.

26 “Lelo baishileba bacintomfwa kabili balimupondokele,+ balilekele ukukonka amafunde yenu.* Balipeye bakasesema benu abalebasoka pa kuti babwelele kuli imwe, kabili balimusaalwile nga nshi.+