6 E lyo Yehova atile: “Moneni! Aba bantu balikatana pantu balanda ululimi lumo,+ kabili moneni ifyo batampa ukucita. Kanshi conse ico balepanga ukucita tabakafilwe. 7 Aleni!+ Natutentemuke no kuyafulunganya ululimi lwabo pa kuti kwiba umuntu wa kumfwa ululimi umunankwe alelanda.”

19 Yosefe abebele ati: “Mwisakamana. Bushe nine Lesa uwa kuti imupingule? 20 Nangu ca kuti mwalefwaya ukuncita icibi,+ Lesa alengele icisuma e cacitika pa kuti apusushe imyeo ya bantu abengi, nge fyo alecita buno bushiku.+

30 Takwaba amano, ukwiluka, nelyo amapange ayengalesha ifyo Yehova afwaya ukucita.+

35 Abekala pano isonde bonse abamona ukuti ba fye, kabili amabumba ya mu muulu na ba pano isonde abacita ukulingana ne fyo alefwaya. Takuli uwingamucincintila+ nelyo uwingamwipusha ukuti, ‘Cinshi wacitila ifi?’+

38 E ico pa mulandu ne fi ifintu ifilecitika, ndemweba nati, talukeni aba bantu, balekeni babe. Pantu ili ipange nelyo uyu mulimo nga wa bantu, tawakatwalilile; 39 lelo nga wa kwa Lesa, mukafilwa ukubalesha.+ Pantu nga mwatwalilila, mukasanga ukuti mulelwa na Lesa.”+