4 Nalibombele imilimo iikalamba nga nshi.+ Nalikuulile amayanda;+ nalilimine amabala ya myangashi.+ 5 Nalilimine amabala no kupanga amaparka, kabili nalilimbilemo ifimuti ifyaletwala ifisabo ifyalekanalekana. 6 Nalimbile ifishiba fya kutapamo amenshi ya kutapilila ifimuti ifishilakula.* 7 Nalikwete ababomfi abaume na babomfi abanakashi,+ kabili nalikwete ababomfi abafyalilwe mu ng’anda yandi.* Nalikwete ne fitekwa ifingi, ing’ombe, impaanga ne mbushi+ ukucila ifyo bonse abaliko mu Yerusalemu bakwete ilyo nshilabako. 8 Nalikwete silfere na golde,+ ifyuma ifyo imfumu shalempeela ne fyalefuma mu fitungu.+ Nalikwete bakemba abaume na banakashi, e lyo ne cilenga abana ba bantu balasekelela, e kutila umwanakashi. Nalikwete abanakashi abengi.