• Esaya 41:7
    Baibo—Amalembo ya Calo Cipya

    •  7 E ico uwaishiba ifya kupangapanga alekoselesha uufula ifyela;+

      Uulepapatalika ifyela kuli sando

      Alekoselesha uulefula ifyela pa ca kufulilapo.

      Alelanda pa kocelela ifyela ati: “Kusuma.”

      Lyena bapampamina icilubi ne misomali pa kuti cipona.

  • Esaya 46:6, 7
    Baibo—Amalembo ya Calo Cipya

    •  6 Kuli abalefukumuna golde iingi mu cola;

      Bapima silfere pali sekelo.

      Balipila uufula ifyela kabili apangamo ka lesa.+

      Lyena balakakontamina kabili balakapepa.*+

       7 Bakasendela pa mabeya+ yabo;

      Balakasenda, bakatwala pa cifulo ca kako, kabili katwalilila fye ukwiminina palya pene.

      Takasela.+

      Balalilila kuli kena ukuti kabafwe, lelo takasuka;

      Te kuti kapusushe umuntu nangu umo ku bucushi.+