“Namoca ibala lya myangashi,

Kabili ifyo mwaibila abapiina fili mu mayanda+ yenu.

 9 Umfweni ici, mwe ntungulushi sha mu ng’anda ya kwa Yakobo

Na imwe mwe bakalamba ba bashilika ba mu ng’anda ya kwa Israele,+

Mwe bapata umulinganya kabili mwe bafulunganya fyonse ifyalungama,+

10 Mwe basuumya umulopa pa kuti mukuule Sione, kabili mwe bacita ifishalungama pa kuti mukuule Yerusalemu.+

11 Intungulushi shakwe shilapoka amafisakanwa pa kupingula,+

Bashimapepo bakwe balalipilisha abo basambilisha,+

Kabili bakasesema bakwe balalipilisha indalama* ilyo balebuka imbuko.+