6 Mu mwaka Imfumu Usia yafwile,+ namwene Yehova naikala pa cipuna cakwe ica bufumu+ icasansuka, kabili ica kufwala afwele caiswile mwi tempele. 2 Baserafi balimushingulwike; cila serafi akwete amapindo 6. Yabili afimbile pa menso, na yambi yabili afimbile ku makasa, e lyo yambi yabili alepupukilako.

 3 Kabili cila serafi ale-eba umunankwe ati:

“Wa mushilo, wa mushilo, wa mushilo Yehova wa mabumba.+

Pe sonde ponse paisula ubukata bwakwe.”

4 Kabili ubukata bwa kwa Yehova+ bwalimine ukufuma pali bakerubi apo bwali no kuya ku mwinshi wa ng’anda, kabili panono panono ikumbi lyaiswile mu ng’anda,+ na mu lubansa mwaiswile ulubuuto lwa bukata bwa kwa Yehova.