21 Yehova akalenga ubulwele bwikafuma pali imwe mpaka akamulofye mu calo ico muleya mu kwikalamo.+ 22 Yehova akamulwalika icifuba ca ntanda-bwanga,* ubulwele bwa kukaba umubili,+ ifilundwa fya mubili fikalafiimba, umubili ukalakaba sana, akalenga abalwani benu bakamwipaye no lupanga,+ ifilimwa fikalapapa pa mulandu no mwela wakaba kabili fikalauma.+ Ifi fyonse fikamucitikila mpaka mukalobe.