Watchtower LAIBRARE YA PA INTANETI

Ukutendeka 27:41, 42

Baibo—Amalembo ya Calo Cipya
- 41 Lelo Esau apatile Yakobo mu mutima wakwe pa mulandu wa kuti wishi alimupaalile,+ kabili Esau aletila mu mutima wakwe: “Inshiku sha kuloosha tata shilepalama.+ Pa numa nkepaya munyinane Yakobo.” 42 Ilyo Rebeka bamwebele ifyalandile Esau, umwana wakwe umukalamba, ilyo line atumine aba kuyaita Yakobo umwana wakwe umwaice kabili aishilemweba ati: “Mona! Esau munonko alepanga ukukwipaya* pa kuti akalandule.

Impendwa 20:20, 21

Baibo—Amalembo ya Calo Cipya
- 20 Na lyo line atile: “Mwikapitamo.”+ Ilyo line imfumu ya Edomu yalimine na bantu abengi na bashilika* ba maka ku kuyabalwisha. 21 E fyo imfumu ya bena Edomu yaleseshe abena Israele ukupita mu calo ca iko. E ico abena Israele balyalulwike, balola na kumbi.+

Amalumbo 137:7

Baibo—Amalembo ya Calo Cipya
- 7 Ibukisheni mwe Yehova,
  Ifyo abena Edomu balandile pa bushiku Yerusalemu baibongolwele.
  
  Batile: “Ibongololeni! Ibongololeni mufishe na pa mufula!+

Yoele 3:19

Baibo—Amalembo ya Calo Cipya
- 19 Lelo Egupti ikaba icibolya,+
  Na Edomu ikashala amatololo umushaba abantu,+
  Pa mulandu wa bunkalwe ubo bacitile abaYuda,+
  Abo basuumishe umulopa+ wabo mu calo cabo apabula umulandu.