Watchtower LAIBRARE YA PA INTANETI

Watchtower LAIBRARE YA PA INTANETI

LAIBRARE YA PA INTANETI

Esaya 61:7

Baibo—Amalembo ya Calo Cipya
- 7 Mu cifulo cakwikatwa insoni, nkapaala abantu bandi imiku ibili ukucila ifyo nabapaalile kale,
  Mu cifulo ca kuseebana, bakalasekelela pa mulandu wa fyo nkabapeela.
  
  Bakakwata incende+ iikalamba umo bakalaikala.
  
  Bakalasekelela umuyayaya.+

Yeremia 30:10

Baibo—Amalembo ya Calo Cipya
- 10 “Kabili iwe we mubomfi wandi Yakobo witiina,” e fyo Yehova alanda,
  “Kabili witutuma we Israele.+
  
  Pantu nkakupususha ninshi uli ukutali
  Kabili nkapususha na bana bobe mu calo umo baba bankole.+
  
  Yakobo akabwela kabili akekala umutende. Takwakabe nangu umo uukalamutiinya,
  Takwakabe nangu cimo ico akalatiina.”+

Yeremia 33:7

Baibo—Amalembo ya Calo Cipya
- 7 Kabili nkabwesha bankole aba Yuda na bankole abena Israele,+ kabili nkabakuula nga filya nacitile pa kutendeka.+

Yeremia 33:9

Baibo—Amalembo ya Calo Cipya
- 9 Ishina lya musumba likalenga nkalesekelela, kabili umusumba ukalenga inko shonse isha pe sonde ishikomfwa pa fisuma ifyo nkacitila abantu bandi shikanumbanye no kuncindika.+ Kabili shikatiina no kututuma+ pa mulandu ne fisuma fyonse no mutende ifyo nkaleta pali uyu musumba.’”+

Esekiele 39:25

Baibo—Amalembo ya Calo Cipya
- 25 “E ico Shikulu Mulopwe Yehova atila: ‘Nkabwesha bankole ba kwa Yakobo+ kabili bonse aba mu ng’anda ya kwa Israele+ nkabomfwila uluse; kabili nkaba uwacincila pa kucingilila ishina lyandi* ilya mushilo.+

Esekiele 39:27

Baibo—Amalembo ya Calo Cipya
- 27 Ilyo nkababwesha ukufuma mu nko kabili ilyo nkabalonganya ukufuma mu fyalo fya balwani babo,+ nkailanga ukuti ndi wa mushilo pa menso ya nko ishingi.’+