17 Pantu Herode e watumine abakuyaikata Yohane no kumukaka mu cifungo, pa mulandu wa kwa Herodia uwali muka Filipi uo Herode aupile.+ Uyu Filipi ali mukalamba wa kwa Herode. 18 Pantu pa miku iingi Yohane ale-eba Herode ati: “Ukulingana na mafunde taulingile ukuupa umukashi wa kwa munonko.”+

19 Lelo pa mulandu wa kuti Yohane alekalipila Herode kateka wa citungu pali filya aupile Herodia muka munyina, na pa fintu fyonse ifyabipa ifyo alecita, 20 Herode alicitile icabipa na cimbi: Abikile Yohane mu cifungo.+